Panel taċ-Ċittadini dwar l-ekwità interġenerazzjonali

X’tip ta’ Ewropa, ġusta għall-ġenerazzjonijiet kollha tal-lum u ta’għada, qed nistinkaw għaliha?

U kif nistgħu nagħtu l-ħajja lill-viżjoni ta’ Ewropa li tkun ġusta għall-ġenerazzjonijiet kollha?

Fil-ġimgħat li ġejjin, 150 ċittadin magħżulin b’mod aleatorju mis-27 Stat Membru kollha tal-UE se jiltaqgħu biex jiddiskutu kif għandha tkun Unjoni Ewropea interġenerazzjonalment ġusta u x’azzjonijiet jistgħu jittieħdu biex jinħoloq futur li fih il-ġenerazzjonijiet kollha jistgħu jirnexxu.

F’perjodu ta’ bidla u tranżizzjoni, l-Unjoni Ewropea għandha l-għan li tibni fuq l-istorja komuni tagħha filwaqt li taħdem b’ħerqa għal futur sostenibbli u inklużiv. Għal dan il-għan, hemm bżonn li niżguraw li d-deċiżjonijiet li nieħdu llum ma jagħmlux ħsara lill-ġenerazzjonijiet tal-ġejjieni, u li jkun hemm aktar solidarjetà u involviment bejn nies ta’ etajiet differenti.

B’dan fl-isfond, il-parteċipanti huma mistednin jirriflettu dwar il-kwistjonijiet li ġejjin:

Kif nistgħu nnaqqsu d-distakki ġenerazzjonali għall-benefiċċju ta’ kulħadd billi ninkoraġġixxu narrattiva ta’ solidarjetà, appoġġ reċiproku, u responsabbiltà kondiviża?
Kif nistgħu nibbilanċjaw il-ħtiġijiet u l-interessi tal-gruppi ta’ età kollha, inklużi dawk tal-ġenerazzjonijiet futuri?
Kif nistgħu naħsbu fit-tul biex nibnu soċjetà aktar ġusta u aktar reżiljenti?

X’nistgħu nistennew mill-panel?

Il-Kummissjoni Ewropea hija ħerqana biex lill-membri tal-panel tagħmilhom kokreaturi sħaħ tal-Istrateġija dwar l-Ekwità Interġenerazzjonali.

Il-parteċipanti kollha se jiddiskutu l-fehmiet tagħhom flimkien bħala ċittadini li jappartjenu għal ġenerazzjonijiet differenti, abbażi tal-esperjenzi tal-ħajja rikki u differenti tagħhom. Se jikkunsidraw viżjonijiet għal futur aktar ġust għal kulħadd, jesploraw modi kif dawk il-viżjonijiet jistgħu jitwettqu, u jiddiskutu ideat u azzjonijiet li permezz tagħhom jinkiseb l-akbar impatt possibbli. Eventwalment, iċ-ċittadini se jkunu l-ewwel li jeżaminaw u jirreaġixxu għal proposti politiċi konkreti li qed jelaboraw dawk li jfasslu l-politika, f’kollaborazzjoni mal-esperti, biex jippromwovu Unjoni Ewropea li tkun aktar ġusta għall-ġenerazzjonijiet kollha.

L-eżitu tal-panel se jkun lista ta’ rakkomandazzjonijiet li se jikkontribwixxu għall-Istrateġija dwar l-Ekwità Interġenerazzjonali.

Il-kronoloġija

Il-Panel taċ-Ċittadini Ewropej dwar l-Ekwità interġenerazzjonali se jsir fuq tliet weekends bejn Settembru u Novembru 2025.

12-14 ta’ Settembru
Sessjoni 1 — Brussell
- Introduzzjoni għall-ekwità interġenerazzjonali.
- L-ewwel skambju tal’ ideat li l-parteċipanti jsibuhom l-aktar promettenti għal dan l-eżerċizzju.
  Rekordjar: 19/10/2025
14-16 ta’ Novembru
Sessjoni tal-għeluq — Brussell
- It-tfassil ta’ konklużjonijiet tad-dibattiti u r-rakkomandazzjonijiet lill-Kummissjoni Ewropea.
- Spjegazzjoni tal-passi li jmiss — l-impatt fuq it-tfassil tal-politika.
  Rekordjar:16/11/2025

L-ekwità interġenerazzjonali: x’tinvolvi?

Visit of Glenn Micallef, European Commissioner, to Greece

Wara inizjattivi internazzjonali bħall-Patt tan-NU għall-Futur, li ġie ffirmat mill-mexxejja globali fit-22 ta’ Settembru 2024, il-Linji Gwida Politiċi 2024-2029 tal-Kummissjoni jiddikjaraw li kaġun ta’ “skumdità fis-soċjetà”, l-Unjoni Ewropea trid tiżgura “li d-deċiżjonijiet meħuda llum ma jagħmlux ħsara lill-ġenerazzjonijiet ta’ għada u li jkun hemm aktar solidarjetà u involviment bejn persuni ta’ etajiet differenti.”

Ir-responsabbiltà għal din il-ħidma ngħatat lill-Kummissarju Glenn Micallef, li fl-Ittra ta’ Missjoni tiegħu hemm miktub: “Għandek tħejji Strateġija dwar l-Ekwità Interġenerazzjonali biex tidentifika kif nistgħu nsaħħu l-komunikazzjoni bejn il-ġenerazzjonijiet u niżguraw li l-interessi tal-ġenerazzjonijiet preżenti u futuri jkunu rispettati fit-tfassil tal-politiki u tal-liġijiet.”