Garanzija kummerċjali ta’ durabbiltà

Din it-tikketta tirrappreżenta “garanzija kummerċjali ta’ durabbiltà” mogħtija fi snin. Il-garanzija tiġi offruta mill-produttur mingħajr spejjeż addizzjonali, tkopri l-oġġett kollu u ddum aktar minn sentejn.

Tirrappreżenta l-impenn tal-produttur lejk bħala konsumatur fejn tidħol id-durabbiltà ta’ oġġett. B’mod aktar speċifiku, jintrabat li l-oġġett se jżomm il-funzjonijiet meħtieġa u l-prestazzjoni tiegħu bl-użu normali, għan-numru ta’ snin indikati fuq it-tikketta. Inkella, il-produttur irid isewwi jew ibiddel l-oġġett mingħajr spejjeż. Il-produttur irid jiddeskrivi t-termini eżatti fid-dikjarazzjoni tal-garanzija kummerċjali.

Bħala konsumatur fl-UE, inti tibbenefika wkoll mid-drittijiet ta’ garanzija legali kontra l-bejjiegħ. Il- legali tapplika indipendentement minn kwalunkwe garanzija kummerċjali.