Soluzzjoni għat-tilwim tal-konsumaturi

Qatt kellek problemi b'oġġett jew b'servizz li xtrajt f'pajjiż ieħor tal-UE? Irrispettivament minn jekk xtrajtux onlajn jew offlajn jeżistu diversi modi possibbli li permezz tagħhom tista' titlob rimedju:

• Soluzzjoni informali għat-tilwim: għandu mnejn int tkun tixtieq l-ewwel tesplora modi ta' soluzzjoni għat-tilwima tiegħek direttament mal-operatur tas-suq, jew bl-għajnuna ta' organizzazzjoni tal-konsumaturi f'pajjiżek.
• Proċeduri barra mill-qorti: tista' tipprova ssolvi l-problema tiegħek permezz ta' soluzzjoni alternattiva jew onlajn għat-tilwim.
• Azzjoni legali formali: proċedura għal talbiet żgħar u l-ordni ta' ħlas jistgħu jgħinuk tirkupra l-flus minn operatur tas-suq f'pajjiż ieħor tal-UE.