Teach a cheannach

An ceart maoin a cheannach

Mar shaoránach den Aontas, tá sé de cheart agat cónaí in aon tír eile san Aontas agus tá na cearta céanna agat agus atá ag saoránaigh na tíre sin maidir le maoin a cheannach nó a dhíol. Baineann na cearta sin le tithe a úsáidtear mar phríomháit chónaithe, áiteanna cónaithe tánaisteacha (nó saoire), agus maoin oifige.

Cosaint

Má théann rud éigin amú, agus má bhraitheann tú nár urramaíodh do chearta mar thomhaltóir, tá modhanna éagsúla sásaimh ann. Léigh faoi do chearta mar thomhaltóir agus na bealaí éagsúla chun cabhair a fháil.

Cáin

Más mian leat morgáiste a fháil chun do cheannach maoine a mhaoiniú, b'fhéidir go mbeidh ort uimhir chánach arna heisiúint ag an tír sin a bheith agat chun comhaontú iasachta a dhéanamh le banc. Tuilleadh eolais faoi mhorgáistí san Aontas Eorpach.

Chun tuilleadh eolais a fháil faoi na cineálacha cánach a bheidh ort a íoc agus maoin á ceannach nó á díol agat (lena n-áirítear ar ghnóthachain chaipitiúla), chomh maith leis an gcineál cánach a íocfaidh tú mar úinéir maoine, féach suíomh gréasáin náisiúnta na tíre inar mian leat maoin a cheannach.